Rýhanı jańǵyrý: Aq Edil Qoja mazary

KÓKShETAÝ. QazAqparat - «Týǵan jer» arnaıy jobasynyń aıasynda Aqmola oblysy ishki saıasat basqarmasynyń Óńirlik kommýnıkatsııalar qyzmeti oblystaǵy eń tanymal tarıhı eskertkishterdi jarııalaýda, dep habarlaıdy QazAqparat tilshisi.

Aq Edil Qoja mazary - HІH ǵasyrdyń teńdesi joq dinı sáýlet eskertkishi. Onyń pishini óte qarapaıym bolyp keledi. Bul dóńgelek ǵımarat kóshpeli qazaqtyń kıiz úıine uqsaıdy. Mazar pishini kıiz úı tərizdi tuıyq ólshemi saqtalǵan. Kúmbezdi tóbesiniń ústińgi bóligi opyrylǵan, arkaly esiktiń kirý kólemi jartylaı buzylǵan. Negiziniń kúmbezdi segiz qyrly keseneniń aımaqtyq tıpin sıpattaıdy, jospardaǵy mólsheri 7,8 h 7,6 m, jalpy bıiktigi 5 m. shyǵys jaǵyndaǵy ishki bólmege kiretin esik syrtqy tik burysh formasynda oryndalǵan, jospardaǵy bıiktigi 3,5 m, adam músini keskinindegi arkaly ótpegi (bıiktigi 2,5 m) bar.
Aq Edil Qoja mazary Aqmola oblysy, Qorǵaljyn aýdanynyń Jumaı aýylynda ornalasqan. Ol ıslamdy búkil Qazaqstan aýmaǵyna taratqan mıssıoner bolǵan. Negizinde, bul kesene Jalmaǵanbet qajy mazary dep atalady. Aq Edil Jalmaǵanbet qajynyń balasy.