Rýhanı jańǵyrtý memlekettiń damýyna jeteleıtin mańyzdy qadam
Jıyndy ashqan Elbasy kitaphanasy dırektorynyń orynbasary Beısembaı Jumabekov aýqymdy ekonomıkalyq reformalar qoǵamdyq sanany jańǵyrtýdy talap etetinin atap ótti. Bul rette Memleket basshysy maqalada onyń mańyzdy basymdyqtary men baǵyttaryn aıqyndap berdi.
Óz kezeginde Áleýmettik-aǵartýshylyq jobalar qyzmetiniń jetekshi ǵylymı qyzmetkeri Ǵazız Telebaev qoǵamdyq sanany jańǵyrtý memlekettiń damýyna, eldegi birlik pen kelisimniń nyǵaıýyna jeteleıtinin mańyzdy qadam dep baǵa berdi. «Tehnologııalyq jańǵyrýǵa arnalǵan bıylǵy Joldaýdan jáne saıası jańǵyrýǵa baǵyttalǵan konstıtýtsııalyq reformadan keıin mańyzdy qadam rýhanı jańǵyrýǵa baǵyttalǵan. Elbasynyń maqalasynda belgilengen maqsat-mindetter óte ózekti. Almaǵaıyp álem jyldam túrde ózgerýde. Oǵan judyryqtaı jumylǵan ult bolyp beıimdelýimiz qajet. Latyn álipbıine kóshý, týǵan jerdi kórkeıtý, gýmanıtarlyq bilim berý, mádenıetti zamanaýı qalypqa keltirý, qundylyqtardyń búkil qazaqstandyq sheńberin qurý, zamandastardy qurmetteý - barlyǵy naqty tapsyrmalarmen ulasady, barlyǵyna iske asyrylatyn ýaqyt berilgen», - deıdi ol.
Jıyn barysynda Áleýmettik-aǵartýshylyq jobalar qyzmetiniń jetekshi ǵylymı qyzmetkeri Saǵyntaı Berdaǵulova strategııalyq mańyzdy maqalada bilimniń mańyzdylyǵyna erekshe nazar aýdarylǵanyn alǵa tartty.
«Qazirgi zamanda básekege qabiletti jáne tabysty ataný - kúrdeli mindet. Bul ǵylymı, baǵdarlamalyq kózqarasty talap etetini daýsyz. Memleket basshysy ulttyq sanany jańǵyrtýdyń mańyzdy baǵyttaryn belgilep, bilimdi jáne kókiregi oıaý bolýǵa umtylýdyń qajettigin aıqyndady. Sebebi bilim berý salasy - keleshekte tabysqa qol jetkizýdiń kilti»,-dedi Berdaǵulova.