Rýhanı kelisim ıdeıasyn jaqtaýshylar qatary kóbeıip keledi - T.Muhamedjanov

ASTANA. 17 qazan. QazAqparat - Rýhanı kelisim ıdeıasyn jaqtaýshylar qatary kóbeıip keledi. Bul pikirdi búgin Búkilálemdik rýhanı kelisim forýmy Tóralqasynyń otyrysy aıasynda uıymdastyrylǵan baspasóz máslıhatynda QR Parlamenti Senatynyń depýtaty Tólegen Muhamedjanov bildirdi.

«Bizdiń bul jerde bas qosýymyzdyń maqsaty men mindeti bul árıne, 1992 jyldyń 18 qazanynda Almatyda óz jumysyn bastaǵan Búkálemdik rýhanı kelisim forýmynyń 20 jyldyq mereıtoıy. Sol ýaqyttan beri 20 jyl ótti, ári bul ıdeıa júzdegen, myńdaǵan adamnyń jan-júregin jylytty. Al búginde bul ıdeıanyń jaqtastary kóbeıe tústi», - dedi ol.

Aıta keteıik, «Búkil álemde beıbitshilikke rýhanı mádenıet arqyly» atty mereıtoılyq ǵylymı-praktıkalyq konferentsııa erteń Táýelsizdik saraıynda óz jumysyn bastaıdy. Oǵan 25 elden delegatsııalar qatysady. Olardyń qatarynda tanymal qoǵam, din jáne mádenıet qaıratkerleri bar.