Rýfat Quttyqov Aqmola oblysynyń prokýrory laýazymyna taǵaıyndaldy

<p>ASTANA. KAZINFORM - Qazaqstan Respýblıkasy Prezıdentiniń kelisimi negizinde Bas prokýrordyń 2024jylǵy 17 mamyrdaǵy buıryǵymen aǵa ádilet keńesshisi Rýfat Baýyrjanuly Quttyqov Aqmola oblysynyń prokýrory laýazymyna taǵaıyndaldy.</p>

Bul týraly QR Bas prokýratýrasynyń baspasóz qyzmeti habarlady.

R.B. Quttyqov eńbek jolyn 2000 jyly Aqtóbe oblysy Áıteke bı aýdany prokýrorynyń kómekshisi laýazymynan bastaǵan.

Ár jyldary Aqtóbe oblysynyń mamandandyrylǵan tabıǵat qorǵaý prokýrory, Jambyl oblysy Jambyl aýdanynyń prokýrory, Atyraý oblysy Atyraý qalasynyń prokýrory, Qaraǵandy oblysy prokýrorynyń birinshi orynbasary, Bas prokýratýranyń Joldanymdarmen jumys jáne is júrgizý departamentiniń bastyǵy qyzmetterin atqarǵan.

2022 jyldan bastap Mańǵystaý oblysynyń prokýrory boldy.

R.B. Quttyqov zańdylyq pen quqyqtyq tártipti nyǵaıtýǵa qosqan úlesi úshin «Jaýyngerlik erligi úshin» medalimen nagradtalǵan.

Prokýratýranyń qurmetti qyzmetkeri.