Rýdnyıda oıyn klýby karantınge qaramastan jumys istep turǵan

RÝDNYI. QazAqparat – Rýdnyı qalasynyń polıtseıleri karantın sharalaryn saqtamaǵan oıyn klýbyn anyqtady, dep habarlaıdy QazAqparat oblystyq polıtsııa departamentiniń baspaóz qyzmetine silteme jasap.

Rýdnyı qalasy polıtsııa basqarmasy jergilikti polıtsııa qyzmeti málim etkendeı, Ivan Franko kóshesinde ornalasqan «LOTO klab» oıyn klýby karantın bastalǵaly úzdiksiz jumys istep turǵan.

Belgilengen qatań karantın sharalaryn buzǵan klýb jabylyp qalýy da múmkin.

Karantın kezinde kompıýterlik jáne oıyn klýbtarynyń jumysyna tyıym salynǵanyna qaramastan, mekeme óz qyzmetin júzege asyrdy.

«Polıtsııa kirip kelgen kezde oıyn zalynda 10-nan astam adam bolǵan. Tártip saqshylary jınaǵan materıaldar ary qaraı sheshim qabyldaý úshin Rýdnyı qalasy Taýarlar men qyzmetterdiń sapasy men qaýipsizdigin baqylaý basqarmasyna joldandy», delingen vedomstvo habarlamasynda.

Esterińizge sala keteıik, Qostanaı oblysynda karantın kezinde qoǵamdyq tamaqtaný nysandarynyń, oıyn jáne kompıýter salondarynyń jumysyna saǵat 20:00-den keıin tyıym salynǵan.