Rýdnyıda 45 jastaǵy er adamdy qınap óltirgen kúdikti ustaldy

QOSTANAI.QazAqparat – Qostanaı oblysynda 45 jastaǵy er adamdy óltirgen kúdikti qolǵa tústi, dep habarlaıdy QazAqparat.

Aqparatty Qostanaı oblysy polıtsııa departamentiniń baspasóz qyzmeti rastady. Oqıǵa Rýdnyı qalasynda bolǵan.

«Rýdnyı qalasy Frýnze kóshesindegi úılerdiń biriniń páterinen zorlyq-zombylyq belgileri bar 45 jastaǵy er adamnyń denesi tabyldy. Polıtsııa qyzmetkerleri osy iske qatysty Rýdnyı qalasynyń 49 jastaǵy turǵynyn ustady. Kúdikti qamaýda otyr», delingen polıtsııa aqparatynda.

Qazir osy is boıynsha QR QK 99-baby 1-bóligimen sotqa deıingi tergeý júrgizilýde.