Rýdnyıda 41 jastaǵy áıel tórtinshi qabattyń balkonynan qulap ketti

RÝDNYI. QazAqparat - Búgin Rýdnyıda 41 jastaǵy áıel tórtinshi qabattyń balkonynan qulap mertikti, dep habarlaıdy QazAqparat.

Bul jaıynda Qostanaı oblystyq polıtsııa departamentiniń baspasóz qyzmeti málimet taratty.

Oqıǵa ornyna tez jetken polıtsııa qyzmetkerleri áıelmen birge turatyn erkekten jaýap alyp, oqys jaǵdaıdyń qalaı bolǵanyn anyqtady.

«Onyń aıtýynsha, ekeýi birge spırtti ishimdik ishkennen keıin 41 jastaǵy áıel úıden syrtqa shyǵýǵa tyrysqan, alaıda erkek ony jibermegen. Janjal balkonda jalǵasqan. Sol kezde áıel balkonnan qulap ketken», - dep túsindirdi polıtsııanyń baspasóz qyzmeti.

Qazir zardap shekken áıel aýrýhanada jatyr. Er adam jaǵdaıdyń egjeı-tegjeıi anyqtalǵansha qamaýǵa alyndy.