Rýdnyıda 2 jasar qyz bala terezeden qulap ketti

RÝDNYI. QazAqparat – Qostanaı oblysynda 2019 jyly týǵan búldirshin eki qabatty kóppáterli turǵyn úıdiń ekinshi qabatynyń terezesinen qulap, aman qaldy, dep habarlaıdy QazAqparat oblystyq TJD baspasóz qyzmetine silteme jasap.

Oqıǵa 26 qańtar saǵat 16:35 kezinde Rýdnyı qalasynyń Tobyl kóshesinde bolǵan.

2 jasar bala úıinde 20 jastaǵy ápkesimen birge bolǵan.

Ápkesi qonaq bólmede otyrǵanda, sábı as úıdegi tereze mańynda oınap janynda oınap júrgen.

Kenet ol ashyq qalǵan terezeden syrtqa qulap ketken.

Abyroı bolǵanda bala úıilgen qardyń ústine túsken. Kishkentaı qyz birden Rýdnyı kópsalaly aýrýhanasyna jetkizildi.

«Tekserýden keıin balalar bóliminiń dárigerleri onyń ómirine esh qaýip tónip turmaǵanyn aıtyp, aýrýhanaǵa jatqyzýdyń qajeti joq degen qorytyndyǵa keldi. Qazirgi ýaqytta bala úıde ata-anasynyń qaraýynda» deıdi vedomstvonyń baspasóz hatshysy Ýálıhan Dosanov.

Oblystyq TJD balalardy úıde qaraýsyz qaldyrmaýǵa, qaýipsizdik erejelerin barynsha saqtaýǵa shaqyrady.

Sonymen qatar terezelerge qaýipsizdik toryn ornatýdy usynady.