Rýdnyıda 15 jasar qyz Tobyl ózenine batyp ketti
02:57, 31 Mamyr 2022
RÝDNYI. QazAqparat - Qostanaı oblysynda 15 jasar qyz sýǵa ketti, dep habarlaıdy QazAqparat.
29 mamyr kúni saǵat 19.15 kezinde Rýdnyı qalasy Parkovaıa kóshesi boıynda Tobyl ózeniniń ákimshilik aýmaǵynda qutqarýshylar 2007 jyly týǵan jasóspirimniń máıitin sýdan shyǵardy.
Oblystyq tótenshe jaǵdaılar departamentiniń málimetinshe, qyz 29 mamyr kúni shamamen 17.15-te shomylýǵa arnap jabdyqtalmaǵan jerde sýǵa túsken.
Sonymen qatar onyń sol jerde dostarymen birge bolǵany anyqtaldy.
Sý qoımasynyń osy bóliginde shomylýǵa tyıym salý belgisi bar.