Rýdnyı kolledjinde stýdentter tamaqtan ýlandy: Sot úkimi shyqty

RÝDNYI. QazAqparat – Qostanaı oblysy, Rýdnyı qalasyndaǵy Rýdnyı taý-tehnologııa kolledjinde stýdentterdiń jappaı tamaqtan ýlaný faktisi boıynsha sot úkimi shyqty, dep habarlaıdy QazAqparat tilshisi kstnews.kz-ke silteme jasap.

Osy jyldyń 20 sáýirinde Rýdnyı taý-tehnologııa kolledjinde 35 stýdent tamaqtan ýlanyp qalǵan bolatyn. Onyń 14-i aýrýhanaǵa jatqyzylyp, qalǵany ambýlatorlyq emge jiberildi. Barlyǵy kolledj ashanasynda tamaqtanǵannan keıin aýyrǵan. Atalǵan fakti boıynsha prokýratýranyń baqylaýymen sotqa deıingi tergeý júrgizildi.

Anyqtalǵandaı, «S-Salta» JShS basshysy S.A.Shýgýbaeva qabyldanǵan mindetterin elemeı, sanıtarlyq normalardy buzǵan, sodan jappaı ýlaný oryn aldy. Sonymen qatar «S-Salta» JShS basshysynyń kórineý jalǵan qujattardy, atap aıtqanda medıtsınalyq tekserýden ótý týraly medıtsınalyq kitapshalardy zańsyz paıdalanýǵa qatysy bary anyqtaldy.

Rýdnyı prokýratýrasy qylmystyq isti sotqa joldap, memlekettik aıyptaýy qoldaý tapqan.

2023 jyldyń 7 tamyzynda sot úkimimen S.A.Shýgýbaeva jalǵan qujattar paıdalanǵany jáne sanıtarlyq erejelerdi buzǵany úshin kináli dep tanylyp, eki jylǵa bas bostandyǵyn shekteldi.

Úkim zańdy kúshine engen joq.