Rýdnyı qalasynda qos azamattyǵy bar áıel jazaǵa tartyldy
Rýdnyı qalasynda turatyn 56 jastaǵy áıel 10 jyldan astam ýaqyt kóshi-qon salasyndaǵy zańnamany buzyp kelgen.
Eki eldiń azamattyǵy bar áıel endi 600 myń teńgeden astam aıyppul tóleýi tıis.
– Qos azamattyqqa qarsy is-qımyl máselesi búgingi kúni ózekti bolyp otyr. Qostanaı oblysynyń aýmaǵynda kóptegen faktiler anyqtalýda. Rýdnyı qalasynyń ákimshilik ister jónindegi mamandandyrylǵan soty 10 jyldan astam Qazaqstan Respýblıkasy jáne Reseı Federatsııasynyń azamattyǵy bar 56 jastaǵy áıeldi jaýapqa tartty. Endi ol 612 myń teńge kóleminde aıyppul tóleýi tıis, – dep túsindirdi Qostanaı oblysy PD Kóshi-qon qyzmeti basqarmasynyń bólim bastyǵy Rınat Syzdyqov.
Qos azamattyq faktilerin anyqtaý jáne jolyn kesý úshin turaqty negizde oblystyń kóshi-qon qyzmetine múddeli memlekettik organdardan qandaı da bir azamattarda qos azamattyqtyń bar ekendigi týraly málimetter kelip túsedi. Bul aqparatty tıisinshe kóshi-qon qyzmetiniń qyzmetkerleri tekseredi.
– Qazaqstanda jáne sonymen bir mezgilde shet memlekettiń aýmaǵynda zeınetaqy tólemderin alatyn adamdardy anyqtaý bóliginde Zeınetaqy tóleý jónindegi memlekettik ortalyqtarmen, QR UQK Shekara qyzmetiniń qyzmetkerlerimen, sondaı-aq basqa da memlekettik organdarmen birlesken jumys júrgizilýde, – dep túıindedi Rınat Syzdyqov.
Aıta ketý kerek, osy jyldyń jeti aıynda 39 azamat ákimshilik jaýapkershilikke tartyldy, onyń 7-eýi elden shyǵaryldy, olarǵa 5 jyl ishinde Qazaqstan aýmaǵyna kirý quqyǵy shekteldi.
Foto: polisia.kz