Rýdnyıdaǵy muz qalashyǵy erı bastady

<p>ASTANA. KAZINFORM &ndash; Rýdnyı qalasynyń ákimdigi qurylystyń qulaý qaýpine baılanysty &laquo;muz qalashyǵyn&raquo; ýaqytsha jaýyp tastady, dep habarlaıdy <a href="https://www.inform.kz/ru/ledoviy-gorodok-v-rudnom-nachal-tayat-iz-za-plyusovoy-temperaturi-f5d2d1" target="_blank" rel="noopener">Kazinform</a> tilshisi.</p>

3 qańtarda Qostanaı oblysynda aýa raıy kóktemniń kúnindeı jylı bastady. Kúndizgi ýaqytta termometr nólden joǵary deńgeıge jetip, keıbir eldi mekenderde qar men muz erı bastady.

Qaýipsizdikti saqtaý sharalary aıasynda jergilikti bılik Rýdnyıdaǵy muz qalashyǵyn jabý týraly sheshim qabyldaǵan. 

– Aýa raıynyń qubylýyna jáne aýa temperatýrasynyń kóterilýine baılanysty qaýipsizdikti qamtamasyz etý maqsatynda TsÝM aýmaǵyndaǵy muz qalashyǵy ýaqytsha jabyldy. Qalashyqty qalpyna keltirýge qatysty qosymsha aqparat beriledi, - delingen habarlamada.

Oblys ortalyǵyndaǵy shekteýlerge kelsek, qostanaılyqtar da muz qalashyqtaryna bara almaı otyr.

– Belgilengen nólden joǵary temperatýraǵa baılanysty jáne qaýipsizdikti qamtamasyz etý maqsatynda tótenshe jaǵdaılar organdarymen birlesip, 4 qańtardan bastap syrǵanaqtardyń (Ortalyq alań, Jastar býlvary, Jastar saraıy) jumysyn ýaqytsha toqtatý týraly sheshim qabyldandy. Aýa-raıy qolaıly bolyp, turaqty nóldik temperatýra ornaǵan boıda syrǵanaq oryndary taǵy da halyq úshin ashyq bolady, - dep habarlady ákimdik. 

Aıta keteıik, buǵan deıin «Astana-Şýche» tas jolyndaǵy jappaı kólik apatynda 11 adam zardap shekkenin jazǵan edik.