Rýdnyıda Tobyl – Torǵaı basseındik ınspektsııasynyń basshysy para alǵany úshin 33,3 mln teńge aıyppul tóleıdi

<p>QOSTANAI. KAZINFORM &mdash; &laquo;Tobyl-Torǵaı sý resýrstaryn paıdalanýdy retteý jáne qorǵaý jónindegi basseındik ınspektsııasy&raquo; RMM memlekettik baqylaý bóliminiń basshysy sottaldy. Bul týraly QR Sybaılas jemqorlyqqa qarsy is-qımyl agenttiginiń baspasóz qyzmeti málim etti.&nbsp;</p>

Rýdnyı qalalyq soty «Tobyl – Torǵaı sý resýrstaryn paıdalanýdy retteý jáne qorǵaý jónindegi basseındik ınspektsııasy» RMM memlekettik baqylaý bóliminiń basshysy S. Muqashevke qatysty úkim shyǵardy.

Ol josparly tekserý sheńberinde sý zańnamasyn buzýshylyqtardy anyqtaý boıynsha sharalar qoldanbaǵany úshin Rýdnyı qalasynyń baý-baqsha kooperatıvteriniń biriniń tóraǵasynan 1,1 mln teńge somasynda para alǵany úshin kináli dep tanyldy.

Sot úkimimen oǵan memlekettik qyzmette jáne kvazımemlekettik sektor sýbektilerinde qyzmet atqarý quqyǵynan ómir boıyna aıyra otyryp, 33,3 mln teńge somasyna aıyppul túrinde jaza taǵaıyndaldy.

Úkim zańdy kúshine endi.