Rýdnyı qalalyq bilim bóliminiń qyzmetkeri 18 mln teńge jymqyrǵan

<p>QOSTANAI. KAZINFORM &ndash; Qostanaı oblysynyń prokýratýrasy balalarǵa joldama berý týraly isti aıaqtady</p>

«Rýdnyı qalasynyń prokýratýrasy bilim bóliminiń Balalardy tárbıe-saýyqtyrý kesheni qyzmetin tekserý barysynda asa iri mólsherde aqsha qarajatyn urlaý faktisin anyqtady. Osy fakt boıynsha arnaıy prokýrorlar QR Qylmystyq kodeksiniń 189-babynyń 4-bóligi boıynsha sotqa deıingi tergeý júrgizdi, ıaǵnı senip tapsyrylǵan bóten múlikti ıelený nemese ysyrap etý», — delingen baqylaýshy organnyń habarlamasynda.

Tergeý barysynda balalar kesheniniń qyzmetkeri 2022-2023 jyldar kezeńinde balalardyń saýyqtyrý ortalyqtaryna jazǵy maýsymǵa joldama satyp alǵany úshin azamattardan alynǵan 18 mln teńgeden astam aqshalaı qarajat ıemdengeni belgili boldy.

Qazirgi ýaqytta sotqa deıingi tergeý aıaqtalyp, qylmystyq is sotqa jiberildi.