Rýbl baǵamy munaı qunyna baılanysty bolady - Q.Kelimbetov

ASTANA. QazAqparat - Rýbldiń ózge valıýtalarǵa shaqqandaǵy baǵamy tikeleı munaı qunyna baılanysty bolady. Bul týraly QR Ulttyq bankiniń tóraǵasy Qaırat Kelimbetov málim etti.

Onyń sózine qaraǵanda, aldaǵy jyldarda munaı baǵasy barreline 50-70 dollar kóleminde bolady.

«Rýbldiń ózge valıýtalarǵa qatysty baǵamy negizinen munaı baǵasynyń aýytqýyna baılanysty bolady. Eger munaı baǵasyn surasańyzdar, ony boljaý qıyn. Degenmen sarapshylardyń ortaq kózqarasy bar, ol boıynsha, aldaǵy jarty jáne bir jylda munaı baǵasy 50-70 dollar shamasynda qalady. Menińshe, bul aldaǵy jyly eń ońtaıly baǵa. Eger aldaǵy jarty jylda bolatyn jaǵdaıdy saraptaıtyn bolsaq, onyń deńgeıi 50-60 dollar shamasynda saqtalady», - dep atap ótti bas bankır.

Onyń oıynsha, bıýdjettiń kólemi de ózgermeıdi. Sebebi bıýdjet munaıdyń baǵasy 50 dollar shamasynda qalandy.

«Aldaǵy eki jylda munaı baǵasy barreline 50-70 dollar shamasynda qalady dep oılaımyn. Bıyl ol 55-60 kóleminde aýytqýda. Eger ol ózgergen jaǵdaıdyń ózinde, eldegi valıýtalyq saıasat ózgermeıdi», - deıdi ol.