Rýandaǵa qýmas úshin mıgranttar Ulybrıtanııadan Dýblınge qashyp jatyr

<p>ASTANA. KAZINFORM &ndash; Irlandııalyq BAQ-tyń habarlaýynsha, ótken aptada elge 610-nan astam adam kelgen, onyń ishinde balaly otbasylar bar. Irlandııaǵa munsha adam ádette eki aıdyń ishinde keletin edi, dep habarlaıdy <a href="https://ru.euronews.com/my-europe/2024/05/09/ireland-dublin-migrants-from-uk" target="_blank" rel="noopener">Euronews.</a>&nbsp;</p>

Memlekettik mekemeler Dýblınde pana izdeýshiler basyp alǵan shatyrlardy alyp tastap jatyr. 

Birneshe apta boıy Halyqaralyq qorǵaý keńsesiniń mańy antısanıtarııalyq jaǵdaıda qaldy.

Odan keıin mıgranttar baspana tapshylyǵyna baılanysty joldan 200 metr jerdegi kanalǵa ornalasty.

Beısenbide ol jerden de shatyrlar alynyp, adamdar turýǵa qolaıly jerge kóshirildi.

Ulybrıtanııada ornalasqan Irlandııa men Soltústik Irlandııa arasyndaǵy shekara ashyq, al zańsyz mıgranttar kóbeıip barady.

Haıber Euronews tilshisine Aýǵanstannan qashyp, Dýblınge kelgenin, ol Ulybrıtanııada qalsa, Rýandaǵa deportatsııalaı ma dep qorqatynyn aıtty.

«Ulybrıtanııada qalýym kerek edi, biraq Rýanda josparyna baılanysty másele týyndady, mıgranttarǵa ony qabyldaý óte qıyn jáne árbir pana izdeýshi odan qatty qorqady, sondyqtan men Irlandııaǵa keldim. Olar bizge qazir baspana joq ekenin aıtty, sondyqtan kútemiz. Bizge qashan baspana beretinin bilmeımiz, qazir biz jaı ǵana shatyrda turyp jatyrmyz», — dedi ol.

Aldaǵy aptalarda Irlandııa úkimeti bılikke zańsyz mıgranttardy Ulybrıtanııaǵa qaıtarýǵa múmkindik beretin zańnamaǵa ózgeris engizýdi kózdep otyr.

Sarapshylar jaǵdaıdyń jaqsaratynyna kúmán keltirdi.