Rýanda Prezıdenti Qazaqstannyń jetistikterin joǵary baǵalady

<p>ASTANA. KAZINFORM - Dúnıejúzilik klımat sammıti aıasynda QR Prezıdenti Qasym-Jomart Toqaev Rýanda Prezıdenti Pol Kagamemen kezdesý ótkizdi, dep habarlaıdy <a href="https://akorda.kz/kz/memleket-basshysy-ruanda-prezidenti-pol-kagamemen-kezdesti-12102415" target="_blank" rel="noopener">Aqorda.</a></p>

Taraptar saıası jáne saýda-ekonomıka salalaryndaǵy ekijaqty qarym-qatynastyń damý perspektıvasyn, sondaı-aq halyqaralyq uıymdar sheńberindegi yntymaqtastyqtyń múmkindikterin talqylady. Memleket basshysy Rýandamen berik ári ózara tıimdi seriktestikti damytýǵa erekshe mán beretinin atap ótti.

Óz kezeginde Prezıdent Pol Kagame elimizdiń saıası jáne áleýmettik-ekonomıkalyq salalardaǵy jetistikterin joǵary baǵalap, Qazaqstanmen yntymaqtastyqty keńeıtýge múddeli ekenin jetkizdi.

Kezdesý sońynda Qasym-Jomart Toqaev Pol Kagameni Qazaqstanǵa saparmen kelýge shaqyrdy.

Eske salaıyq, búgin Prezıdent Qasym-Jomart Toqaev Dúnıejúzilik klımat sammıtine qatysý úshin Bakýdegi olımpıadalyq stadıonǵa bardy. Sosyn Memleket basshysy Bakýdegi Dúnıejúzilik klımat sammıtinde sóz sóıledi. Klımattyń ózgerýi jónindegi BUU-nyń negizdemelik konventsııasyna qosylýshy taraptardyń 29-shy konferentsııasy aıasynda QR Prezıdenti Qasym-Jomart Toqaev Fınlıandııa Prezıdenti Aleksandr Stýbbpen kezdesý ótkizdi.