Rojdestvo meıramy áýelden adamzattyń eń jaqsy qasıetterin belgilep berdi - QHA

NUR-SULTAN. QazAqparat - Qazaqstan halqy Assambleıasy pravoslav hrıstıandaryn jáne barsha qazaqstandyqtardy jarqyn mereke – Hrıstos Rojdestvosymen quttyqtady. QazAqparat uıymnyń quttyqtaýyn jarııalaıdy.

Qurmetti otandastar!

Rojdestvo meıramy áýelden adamzattyń eń taza jáne eń jaqsy qasıetterin belgilep berdi, úmit syılady, mádenıet pen tarıhty ózgertti. Ol ulttyq jáne áleýmettik aıyrmashylyqtarǵa qaramastan, qazirgi álemniń rýhanı-mádenı jáne ónegelik kelbetin qalyptastyrýǵa úlken áser etti.

Qazaqstanda pravoslavıe basqa dástúrli dindermen qatar qoǵamdyq kelisim men birliktiń mańyzdy elementteriniń biri bolyp otyr.

Qazaqstandyqtar Rojdestvony árdaıym tatý-tátti turmys keshý, ózara túsinistik pen birin-biri qoldaý atmosferasynda atap ótedi.

Biz buǵan Táýelsizdik jyldary Nursultan Nazarbaevtyń elimizde beıbitshilik pen kelisim ornatý saıasatyn ustanýdyń arqasynda qol jetkizdik.

Sonyń negizinde ózimizdiń polıetnostyq jáne polıkonfessııalyq qalpymyzdy strategııalyq artyqshylyqqa aınaldyrdyq, al Qazaqstan Álemdik jáne dástúrli dinder lıderleri seziniń ornyna aınaldy.

«El birligi – onyń áralýandylyǵynda» modeli memlekettiń tabysty damýynyń mańyzdy faktory bolyp qala beredi.

Biz qazaqstandyq dástúrli qundylyqtarǵa súıene otyryp, bolashaqty beıbitshilik pen kelisim, qurmet pen ádilettilik qaǵıdattary negizinde quramyz.

Qymbatty jerlester!

Aıtýly tamasha merekeni qarsy alyp otyrǵan azamattardyń barlyǵyn quttyqtaımyz. Shańyraqtaryńyz qýanyshqa, jylý men qut-berekege tolsyn!

Osy qýanyshty kúni sizderge zor densaýlyq, baqyt jáne barlyq ıgi isterińizge tabys tileımiz!