Rojdestvo kúni Jerge jaqyn qashyqtyqtan alyp asteroıd ushyp ótedi

ASTANA. QazAqparat - NASA ǵarysh agenttigi aldydaǵy aptanyń basynda Jerdiń qasynan Gızadaǵy Uly pıramıdadan da úlken alyp asteroıd ushyp ótetinin málim etti, dep habarlaıdy QazAqparat tilshisi «Vse o kosmose» saıtyna silteme jasap.

Eske sala keteıik, Heops (Hýfý), Gızadaǵy Uly pıramıda - Kóne Mysyr eliniń eń iri pıramıdasy, sáýlet óneriniń eskertkishi, «Álemniń jeti keremetiniń» bizdiń zamanymyzǵa deıin jalǵyz saqtalǵany jáne olardyń arasynda eń kónesi: onyń jasy shamamen 4500 jyl.

Asteroid 2016 AZ8 dep atalyp ketken aspan denesi Jerge 7 qańtardyń tańynda jaqyndaı túsedi degen boljam bar.

NASA-daǵy reaktıvti qozǵalys zerthanasynyń ǵalymdary asteroıdtiń Jerge jaqyndaýynyń ýaqytyn Grınvıch boıynsha tańǵy saǵat 6:41-de, jergilikti ýaqytpen saǵat 09:41-de dep shamalap otyr, onyń kólemi dıapazonda 170 metr jáne dıametri 380 metr bolatyny baǵalanǵan, delingen habarlamada.

Earth Impact Effects Program-nyń esepteýinshe, osyndaı kólemdegi asteroıdtiń soqqy kúshi trotıl ekvıvalentinde shamamen 3300 megatonnany quraıdy.

Abyroı bolǵanda, soqqy bolada degen boljam joq, 2019 jyldyń 7 qańtarynda, dúısenbi kúni Asteroid AZ8 asteroıdy bizdiń ǵalamsharymyzdan 4,45 mln shaqyrym jerden ushyp ótedi. Onyń jyldamdyǵy sekýndyna 9,15 shaqyrymnan asady, dep atalyp ótken taratylǵan aqparatta.

Sara Qabıqyzy