Rojdestvo: Astana men Almatyda dinı joralǵylar qashan jáne qaıda ótedi
— Qazaqstanda ejelden búgingi kúnge deıin elimizdiń jetekshi eki konfessııasy — Islam dininiń Hanafı mázhaby men Pravoslavıelik hrıstıandyqtyń merekelerin toılaý dástúri qalyptasqan. Isa Másıhtiń týǵan kúnin toılaý kezinde biz beıbitshiliktiń órkendeýin, dushpandyqtyń, óshpendilik pen zulymdyqtyń joıylýyn tilep, duǵa etemiz. Rojdestvolyq qulshylyq etý rásimi jaıly aıtar bolsaq, bıyl Almaty turǵyndary úshin negizgi shara ótetin oryn buǵan deıingi jyldardaǵydaı qaladaǵy 28 gvardııashy-panfılovshylar atyndaǵy saıabaqta ornalasqan Voznesensk kafedraly shirkeýi bolyp qala beredi. Astanadaǵy Ýspensk kafedraldy shirkeýi — Qazaqstan Respýblıkasyndaǵy basty shirkeý. Onda dinı joralǵylardy elordalyq metropolıttik okrýg isterin basqarýshy epıskop — qaskeleńdik Gennadıı ótkizedi. Merekelik sharalar qańtardyń 6-synan 7-sine qaraǵan túni 23:00–de bastalady, — dedi ol Rojdestvo merekesine oraı ótken baspasóz máslıhatynda.
Mıtropolıt, sondaı-aq, Máskeý jáne búkil Rýs Patrıarhy Kırıldiń Qazaqstanǵa keletinin atap ótti.
— Ótken jyldyń 22 qarashasynda Máskeýde Máskeý jáne búkil Rýs Patrıarhy Kırıll men Qazaqstan Respýblıkasy Parlamenti Senatynyń tóraǵasy Máýlen Áshimbaevtyń kezdesýine qatystym. Senat tóraǵasy QR Prezıdenti Qasym-Jomart Toqaevtyń atynan Áýlıe Patrıarhqa bıyl 17-18 qyrkúıekte Astana qalasynda ótetin Álemdik jáne dástúrli dinder kóshbasshylarynyń VIII sezine shaqyrtýdy tabys etti. Áýlıe Patrıarh kelisim berdi. Jaqynda ol kisimen sóılesip, aldaǵy sapardyń jaı-japsaryn talqyladyq, — dedi ol.
Eske salsaq, bıyl Rojdestvo — 2025 jylǵy 7 qańtar seısenbige keledi, demek qosymsha demalys kúni bolady.
Buǵan deıin Baıden amerıkalyqtardy sońǵy ret Rojdestvo merekesimen quttyqtaǵanyn jazdyq.