Roza Rymbaeva men Aıman Musaqojaevanyń memlekettik mádenı sharalardaǵy qalamaqysy qansha

ASTANA. QazAqparat – Mádenıet jáne sport mınıstrliginiń kezekti buıryq jobasynyń birine qosymsha berilgen qujatta elge tanymal ánshilerdiń qansha qalamaqy alyp júrgeni týraly málimet usynylǵan, dep habarlaıdy QazAqparat tilshisi.

Qujattyń tolyq ataýy – «Qazaqstan Respýblıkasy men shet elderde ótkizilip, bıýdjet qarajaty esebinen qarjylandyrylatyn mádenıet salasyndaǵy áleýmettik mańyzy bar is-sharalar men mádenı is-sharalardy qarjylandyrý erejesi men qarjylandyrý normatıvterin bekitý týraly» Qazaqstan Respýblıkasy Mádenıet jáne sport mınıstriniń mindetin atqarýshynyń 2023 jylǵy 16-aqpandaǵy №51 buıryǵyna ózgertýler men tolyqtyrýlar engizý týraly» Qazaqstan Respýblıkasy Mádenıet jáne sport mınıstri buıryǵynyń jobasy.

Osy qujatqa qosymsha berilgen salystyrmaly kestede elge tanymal ánshilerdiń bıýdjet esebinen ótetin sharalarda óner kórsetkeni úshin qansha qalamaqy alatyny aıtylǵan.

«Mysaly, formatyna qaraı osy sanatqa Qazaqstan Eńbek Eri, KSRO halyq ártisi, Qazaq KSR halyq ártisi, Qazaqstannyń halyq ártisi ataqtary bar birneshe óner ıesin bir mezgilde qosýǵa bolady (mysaly: Álibek Dinishev 5 000 000, Roza Rymbaeva 5 000 000 teńge, Aıman Musaqojaeva 5 000 000 teńge, Nurjamal Úsenbaeva 2 000 000 teńge, taǵy basqalar).

Foto: instagram.com/mussakhajayevaaiman

Ótkizilgen is-sharalardy taldaı kele, osy sanattaǵy ártisterdiń qatysýyn qamtamasyz etý qyzmetteri úshin naqty kórsetilgen qyzmetterdiń quny joba bıýdjetiniń 25% jáne odan da kóp bolýy múmkin, bul paıyzdyq qatynastan asyp túsedi.

Osylaısha, joǵaryda aıtylǵandardy eskere otyryp, osy tarmaqty standart boıynsha jalpy somanyń 10%-ǵa deıin oryndaý múmkin emes, osyǵan baılanysty, osy standartty jobanyń jalpy somasynyń 25%-yna deıin arttyrýdy suraımyz», - delingen qujatta.