Roza Rymbaeva: Barlyǵymyz azamattyq belsendiligimizdi tanytýymyz mańyzdy

ALMATY. QazAqparat - №17 jalpy bilim beretin mektep-ınternattaǵy №387 saılaý ýchaskesinde Roza Rymbaeva men Álı Oqapov ózderiniń daýystaryn berdi, dep habarlaıdy QazAqparat tilshisi.

«Búgin biz Qazaqstan Respýblıkasynyń azamattary retinde №387 ýchaskecine ulym Álımen birge daýys berdik. Elimizdiń ary qaraı órkendeýi jolynda barlyǵymyz azamattyq belsendiligimizdi tanytýymyz mańyzdy. Sebebi el bolashaǵy — óz qolymyzda», - deıdi Qazaqstannyń halyq ártisi Roza Rymbaeva. Qazaqstanda kezekten tys prezıdent saılaýy ótip jatyr. Eske salaıyq, Almatyda 600 saılaý ýchaskesi jumys istep tur. Qalada 1 mıllıon 176 myńnan astam adam daýys bere alady. Al turǵylyqty tirkeýi joq azamattar úshin 55 daýys berý ýchaskesi jumys isteýde.