Roza Baǵlanova, Ermek Serkebaev, Hıýaz Dospanova: Elordada birqatar kóshege jańa ataý beriledi
«2021 jyly ótken Nur-Sultan qalasy onomastıkalyq komıssııasynyń otyrysynda Nur-Sultan qalalyq máslıhaty turaqty komıssııasynyń kópshilik tyńdaýynda elordamyzdyń keıbir kóshelerine ataý berý jáne qaıta ataý týraly usynystar qaralyp, qoldaý tapqan bolatyn. Almaty aýdany boıynsha jobalyq kóshelerge Uzaqbaı Qulymbetovtyń, Ánýarbek Baıjanbaevtyń, Maqtaı Saǵdıevtiń, Kámen Orazalınniń, Amanjol Bólekbaevtyń, Baıken Áshimovtyń, Keńshilik Myrzabekovtyń, Rahmanqul Berdibaıdyń, Salyq Zımanovtyń, Hıýaz Dospanovanyń jáne jeti bıdiń biri – Ánet babanyń, Juban Moldaǵalıevtiń, Roza Baǵlanovanyń, Berdiǵoja batyrdyń, Ýálı Halfınniń jáne Qazaq radıosy ataýyn, Baıqońyr aýdany boıynsha Jumabek Táshenov kóshesiniń ataýynda bir árip qate ketýine baılanysty «Jumabek Táshenev» dep jazyp, moraldyq turǵyda ataýlary eskirgen kóshelerdi qaıta ataý týraly, Baıqońyr aýdanynyń keıbir kósheleriniń bólikterine Yrǵaıly, Aqjarly, Shoqpartas, Shıelisaı, Sheńgeldi, Qarǵaly, Úńgirtas, Tuzdykól, Túrgen, Tekeli, Tastóbe, Taldybulaq, Óleńtisaı, Oıqaraǵaı, Jırenkól syndy elimizdiń jer-sý ataýlaryn berý týraly usynystar qoldaý tapty», - deıdi Tilderdi damytý jáne muraǵat isi basqarmasynyń basshysy Tileýǵalı Qyshqashbaev.
Onyń aıtýynsha, Esil aýdany boıynsha Ilınka turǵyn alabyn jáne Úrker shaǵyn aýdanyn biriktirip, «Úrker» turǵyn alaby dep qaıta ataý týraly, Novyı aeroport kóshesin «Jańa darııa», Syǵanaq jáne jobalyq ataýy E10 kóshelerin biriktirip «Syǵanaq» kóshesi dep qaıta ataý týraly usynystar da qoldaý tapqan.
«Saryarqa aýdany boıynsha Pıonerskaıa kóshesin Talshyn kóshesi dep, Mostopoezd 463 kóshesin Jartas dep qaıta ataý týraly sheshim qoldaý tapty. Elordada eki taras Shevchenko kóshesi bar. Medeý kóshesine deıin jalǵasqan Taras Shevchenko kóshesin Katonqaraǵaı kóshesi dep qaıta ataý týraly, ekinshi Almaty jáne jobalyq ataýy S409 kóshelerin biriktirip áıgili opera jáne kameralyq ánshi, KSRO ártisi Ermek Serkebaevtyń esimin berý týraly usynystar qoldaý tapty», - deıdi ol.