Roza Baǵlanova atyndaǵy halyqaralyq vokalıster baıqaýynyń jeńimpazdary marapattaldy

ASTANA. QazAqparat - Bolgarııadan kelgen ánshi Roza Baǵlanova atyndaǵy halyqaralyq vokalıster baıqaýynyń jeńimpazy atandy, dep habarlaıdy QazAqparat.

Astanada Qazaqstan men KSRO Halyq artısi, Halyq qaharmany, ánshi Roza Baǵlanovaǵa arnalǵan Halyqaralyq vokalıster baıqaýy aıaqtaldy.

Baıqaýǵa Qazaqstan, Túrkııa, Ózbekstan, Tatarstan, Polsha, Bolgarııa, Qyrǵyz Respýblıkasy jáne Belarýs Respýblıkasynan 18-35 jas aralyǵyndaǵy oryndaýshylar qatysty.

12 qazan men 20 qarasha aralyǵynda onlaın formatta ótken irikteý kezeńi aıasynda 48 ótinim qabyldandy.

Onyń qorytyndysy boıynsha fınalǵa 21 oryndaýshy ótti.

«Bıyl biz biregeı tulǵa jáne kórnekti ánshi Roza Baǵlanovanyń 100 jyldyǵyn atap ótemiz. Halyq súıiktisiniń mereıtoıy ıÝNESKO-nyń mereıtoılyq kúnder kúntizbesine endi jáne nyń qurmetine kóptegen is-sharalar uıymdastyryldy, sonyń ishinde Parıj men Máskeý qalalary bar. Bul tizimde vokalıster baıqaýy erekshe oryn alady. Ony ótkizý-Roza Tájibaıqyzynyń talantyn zamanaýı oryndaýshylardyń moıyndaýynyń jarqyn aıǵaǵy», - dedi mádenıet komıteti tóraǵasynyń orynbasary Danııar Álıev konkýrsanttardy marapattaý rásiminde.

Konkýrstyń jeńimpazy jáne 2 mıllıon teńgelik bas júldeniń ıegeri - Bolgarııadan kelgen ánshi Slaveıa Ivanova.

I oryn - Battalıeva Almagúl (Qazaqstan Respýblıkasy) 750 000 teńge.

I oryn - Israılov Bek (Qyrǵyz Respýblıkasy) 750 000 teńge.

II oryn-Kachmarek Mıhal (Polsha Respýblıkasy) 500 000 teńge.

II oryn - Jambylbek Qymbat (Qazaqstan Respýblıkasy) 500 000 teńge.

III oryn – Juban Ernazar (Qazaqstan Respýblıkasy) 250 000 teńge.

III oryn – Baqbergen Azamat (Qazaqstan Respýblıkasy) 250 000 teńge.

Sondaı-aq, Roza Baǵlanovanyń uly Tájen Baǵlanov pen Qorǵanys mınıstrliginiń estradalyq-sımfonııalyq orkestriniń kórkemdik jetekshisi Darhan Raqymǵalıev arnaıy syılyqty tabys etti.