Roza Baǵlanova atyndaǵy halyqaralyq vokaldyq baıqaý bastaldy
22:31, 01 Jeltoqsan 2022
ASTANA. QazAqparat - Astanada Qazaqstannyń jáne KSRO Halyq artısi, Halyq qaharmany, ánshi Roza Baǵlanovaǵa arnalǵan halyqaralyq vokalıster baıqaýy bastaldy, dep habarlaıdy QazAqparat.
QR Mádenıet jáne sport mınıstrliginen málim etkendeı, fınalǵa shyǵý úshin Qazaqstan, Túrkııa, Ózbekstan, Tatarstan, Polsha, Bolgarııa, Qyrǵyzstan jáne Belarýs Respýblıkalarynan 21 talapker baq synaıdy.
12 qazan men 20 qarasha aralyǵynda onlaın formatta ótken irikteý kezeńinde 48 ótinim qabyldandy. Onyń qorytyndysy boıynsha fınalǵa 21 oryndaýshy ótti. Baıqaý jeńimpazy 3 jeltoqsanda ótetin fınal men gala-kontsert kezinde belgili bolady.
Konkýrsqa estrada janrynda óner kórsetetin 18-35 jas aralyǵyndaǵy vokalıster, respýblıkalyq jáne halyqaralyq konkýrstardyń, televızııalyq vokaldyq konkýrstardyń qatysýshylary, mádenıet jáne óner salasyndaǵy joǵary oqý oryndarynyń stýdentteri qatysyp jatyr.