Rotterdam portynda 8 tonna kokaın tárkilendi

ROTTERDAM. QazAqparat – Nıderlandtyń keden qyzmeti kokaınniń asa iri partııasyn tárkiledi. Bul patshalyq tarıhynda buryn-sońdy bolmaǵan kólem. Esirtki banandar salynǵan konteınerden tabyldy, dep habarlaıdy QazAqparat Euronews-ke silteme jasap.

13 shilde kúni Nıderlandtyń keden qyzmeti Rotterdam portynda 8 tonnadan astam kokaın tapty. Alaıda, bul týraly BAQ-qa endi jarııalanyp otyr.

Memlekettik prokýratýranyń málimetinshe, bul patshalyq tarıhynda tárkilengen esirtkiniń asa iri kólemi.

Banan salynǵan konteınerden tabylǵan kokaınniń quny 600 mıllıon eýroǵa baǵalanyp otyr.

Júk Ekvadordan Rotterdamǵa Panama arqyly jetken. Sońǵy jyldary Ekvador Eýropa men AQSh-qa kokaınniń negizgi eksporttaýshylarynyń birine aınaldy. Osy kúzde Nıderland kedeni kedendik kelisimdi talqylaý úshin Ekvadorǵa delegatsııa jibermekshi.