«Rosneft», Eni, CNPC «Eýrazııa» jobasyna kirýdi josparlap otyr

ATYRAÝ. QazAqparat - «Rosneft», Eni, CNPC munaı kompanııalary Qazaqstanda júzege asyrylatyn «Eýrazııa» jobasyna kirýdi josparlap otyr, dep habarlaıdy «QazAqparat» HAA tilshisi.

«Biz reseılik «Rosneft», ıtalııalyq  Eni, qytaılyq CNPC kompanııalarynyń ókilderimen kezdesý ótkizdik. Olar 15 shaqyrym tereńdiktegi uńǵymany burǵylaý boıynsha «Eýrazııa» jobasyn júzege asyrý jumystaryna qatysýǵa nıetti ekendikterin jetkizdi. Árıne, bul jobaǵa «QazMunaıGaz» da qatysady.

Uńǵymany Qazaqstan aýmaǵyndaǵy Kaspıı mańy oıpatynda burǵylaý josparlanýda. Qazir qol qoıý úshin memorandým ázirlenip jatyr. Ázerbaıjannyń SOCAR ulttyq munaı kompanııasy da qyzyǵýshylyq tanytty», - dep habarlady «QazAqparat» HAA tilshisine Qazaqstan munaıshy-geologtar qoǵamdastyǵynyń prezıdenti Baltabek Qýandyqov.

Eske sala keteıik, Qazaqstanda «Eýrazııa» jobasyn júzege asyrý úshin «QazMunaıGazEýrazııa» kompanııasy qurylǵan bolatyn.