«Roskosmos» Muhtar Aımahanovty reseılik ǵaryshkerler qataryna qabyldaýdy usyndy

ASTANA. QazAqparat - Reseı Federaldyq ǵarysh agenttiginiń basshysy Oleg Ostapenkonyń tóraǵalyq etýimen ǵaryshkerlerdi irikteý jáne olardy keme ekıpajy jáne Halyqaralyq ǵarysh stansasy (HǴS) quramyna taǵaıyndaý jóninde vedomstvoaralyq komıssııanyń (VAK) otyrysy ótti, dep habarlaıdy vedomstvonyń baspasóz qyzmetinen.

Baspasóz qyzmeti atap ótkendeı, VAK kún tártibiniń negizgi máselesi Muhtar Aımahanovtyń Reseı ǵaryshkerleriniń qataryna qabyldaý týraly ótinishin qaraý jáne HǴS (HǴS-43/44 - HǴS-47/48) qyryq úshinshi - qyryq segizinshi ekspedıtsııasynyń jáne qatynaý ekspedıtsııasynyń (QE - 18) negizgi jáne qosalqy ekıpajdaryn aıqyndaý boldy.

«M.Aımahanovtyń ótinishin qarap, «ıÝ.A. Gagarın atyndaǵy Ǵaryshkerlerdi daıyndaý ortalyǵy (ǴDO)» ǴZI» FMBM baıandamasyn tyńdap, vedomstvoaralyq komıssııa «ıÝ.A. Gagarın atyndaǵy Ǵaryshkerlerdi daıyndaý ortalyǵy (ǴDO)» ǴZI» FMBM-ge Aımahanov Muhtar Rabatulyn Bas medıtsınalyq komıssııa tekserisi nátıjesi boıynsha "Roskosmos" ǵaryshkerleri jasaǵyna laýazymǵa qabyldaýǵa usyný sheshimin qabyldady» - delingen habarlamada.

Eske sala keteıik, Qazaqstan Respýblıkasynyń synaqtan ótýshi ǵaryshkeri Muhtar Aımahanov ǵaryshqa ushý armanyna jetý úshin 2012 jyldyń aıaǵynda reseılik ǵaryshkerler jasaǵyna qosylyp, Reseı Federatsııasynyń azamattyǵyn qabyldaǵan bolatyn.