«Rosatom» basshylyǵy Qazaqstannan taǵy bir ýran aktıvin satyp alý týraly aqparatty joqqa shyǵarmady

ASTANA. QazAqparat - «Rosatom» memlekettik korporatsııasy bas dırektorynyń birinshi orynbasary Kırıll Komarov «Býdenovskoe» BK-nyń úlesin satyp alý máselesine qatysty pikir bildirdi, dep habarlaıdy QazAqparat tilshisi.

«Biz birdeńe jasamaıynsha eshqashan pikir aıtpaımyz. Sondyqtan, ıntrıgadan bas tartyp, kidiris jasaıyq, qolaıly sát kelgende bárin mindetti túrde aıtamyz», - dedi Kırıll Komarov «ATOMEKSPO-2022» XII halyqaralyq forýmy ótip jatqan alańda jýrnalısterdiń suraqtaryna jaýap berip.

Buǵan deıin BAQ-ta reseılik «Gazprombank» Qazaqstanda taǵy bir ýran aktıvin 1,6 mlrd dollarǵa satyp alý jónindegi «Rosatom» mámilesin 9,1 mlrd dollar kóleminde qarjylandyratyny habarlanǵan bolatyn, onyń 7 mlrd dollary Túrkııada VVER-1200 tórt reaktory bar «Akkýıý» atom elektr stantsııasyn salýǵa jáne basqarýǵa, taǵy 500 mıllıon lıtıı aktıvterin satyp alýǵa jumsalatyny aıtylǵan.

Bul «Býdenovskoe» birlesken kásipornyndaǵy, onyń ishinde ıAkov Klebanovqa tıesili 49 paıyzdyq úles týraly bolýy múmkin ekendigi naqtylandy.