Ronaldýdyń áleýmettik jelidegi jazylýshylar sany 1 mıllıardqa jetti

<p>ASTANA. KAZINFORM &ndash; &laquo;Ál-Nasrdyń&raquo; portýgaldyq shabýylshysy Krıshtıaný Ronaldýdyń áleýmettik jelidegi jazylýshylarynyń sany 1 mıllıardqa jetti. Bul týraly fýtbolshynyń ózi Instagram paraqshasynda habarlady<em>.</em></p>

Ol tarıhta mundaı nátıjege qol jetkizgen alǵashqy adam boldy.

«Biz tarıh jasadyq – 1 mıllıard jazylýshy! Bul jaı ǵana san emes, bul – bizdiń ortaq umtylysymyz, oıynǵa degen súıispenshiligimizdiń dáleli. Madeıra kóshelerinen bastap álemdik deńgeıge deıin árqashan otbasym úshin jáne sizder úshin oınadym, qazir biz 1 mıllıardqa jettik. Maǵan senip, meni qoldap, ómirimniń bir bóligi bolǵanyńyz úshin raqmet. Eń jaqsysy áli alda, biz birge jeńip, tarıhty óz qolymyzben jazamyz», – dedi Ronaldý.

Foto: Fýtbolshynyń Instagram paraqshasynan

Aıta keteıik, tamyz aıynda 39 jastaǵy oıynshy YouTube jelisinde jeke paraqshasyn ashqanyn málimdegen bolatyn. Ronaldýdyń bul platformadaǵy jazylýshylar sany rekordtyq deńgeıge deıin ósti. Qazirgi ýaqytta Krıshtıanýdyń YouTube-te 60 mıllıonnan astam jazylýshysy bar.

Sonymen qatar, Ronaldý resmı matchtarda 900 gol soqqan alǵashqy oıynshy atandy.