Ronaldýdan vırýstyq ınfektsııa anyqtaldy

<p>ASTANA. KAZINFORM &ndash; Saýd Arabııasynyń &laquo;Ál-Nasr&raquo; klýbynyń juldyzy Krıshtıaný Ronaldý Azııa chempıondar lıgasy aıasyndaǵy &laquo;Ál-Shortaǵa&raquo; qarsy oıynǵa qatysa almaıdy. Bul týraly klýbtyń baspasóz qyzmeti habarlady.</p>

Derekkózdiń aıtýynsha, 39 jastaǵy shabýylshynyń densaýlyǵy nasharlaǵan. Medıtsınalyq tekserý nátıjesinde portýgaldyq fýtbolshydan vırýstyq ınfektsııa anyqtaldy. «Ál-Nasr» dárigeri oıynshyǵa emdeý kýrsyn jazyp berdi. Krıshtıaný aldaǵy matchqa qatyspaıdy.

Aıta keteıik, Krıshtıaný Ronaldý Er-Rııad klýbynda 2023 jyldyń qańtarynan beri óner kórsetip keledi. Onyń «Ál-Nasrmen» kelisimsharty 2025 jyldyń jazyna deıin jasalǵan. Bıylǵy maýsymda fýtbolshy klýb sapynda el chempıonatynda 3 matchqa qatysyp, 2 gol soǵyp, 1 nátıjeli pas berdi.

Aıta keteıik, Ronaldýdyń áleýmettik jelidegi jazylýshylar sany 1 mıllıardqa jetti.