Roman Vasılenko Chehııa, Slovakııa men Aýstrııaǵa saparlaıdy
«Osy jyldyń 2-6 qazany aralyǵynda Qazaqstan Syrtqy ister mınıstriniń orynbasary Roman Vasılenko Chehııa, Slovakııa jáne Aýstrııaǵa jumys saparymen barady. Praga qalasyna ótetin sapar aıasynda Syrtqy ister mınıstriniń orynbasary «Qazaqstannyń áleýmettik reformalary jáne Shyǵys Eýropa elderiniń tájirıbesi» atty halyqaralyq konferentsııaǵa qatysady. Sonymen qatar, Qazaqstan Respýblıkasynyń Ekologııa, geologııa jáne tabıǵı resýrstar mınıstrligi men Cheh Respýblıkasynyń Qorshaǵan ortany qorǵaý mınıstrligi arasynda Qorshaǵan ortany qorǵaý salasyndaǵy yntymaqtastyq máseleleri jónindegi ózara túsinistik týraly memorandýmǵa qol qoıý maqsatynda Chehııanyń Qorshaǵan ortany qorǵaý Vıtse-mınıstri Tomash Tesarjben kezdesý ótkizedi», - dedi ol mınıstrlikte ótken aptalyq brıfıng barysynda.
Onyń dereginshe, Roman Vasılenko Bratıslava qalasynda Slovak Respýblıkasynyń qoǵamdyq-saıası toptarynyń ókilderimen «Zamanaýı Qazaqstan: Reformalar jáne damý perspektıvalary» taqyrybynda dóńgelek ústel jáne Slovakııanyń Syrtqy jáne eýropalyq ister mınıstrliginiń basshylyǵymen kezdesý ótkizedi.
«Vena qalasynda qazaqstandyq dıplomattyń Qazaqstan-Aýstrııa úkimetaralyq komıssııasynyń teń tóraǵasymen, sondaı-aq Federaldyq Prezıdenttiń Halyqaralyq ister jónindegi keńesshisi Gerda Fogl men Eýropalyq jáne halyqaralyq ister federaldyq mınıstrliginiń basshylyǵymen kezdesýleri kózdelip otyr», - dedi Aıbek Smadııarov.