Roman Sklıar XIV Halyqaralyq «INNOPROM» ónerkásiptik kórmesinde qazaqstandyq delegatsııany basqardy

<p><strong>EKATERINBÝRG. </strong>KAZINFORM &ndash; <strong>Ekaterınbýrg qalasynda 2024 jyldyń 8-10 shilde aralyǵynda XIV Halyqaralyq &laquo;INNOPROM&raquo; ónerkásip kórmesi ótti. Іs-sharaǵa EAEO, BAÁ, Serbııa, Kýba, Ázerbaıjan, Túrikmenstan, Oman, Úndistan, Taıland, Pákistan Túrkııa, Vengrııa jáne basqa da memleketterdiń resmı delegatsııalary qatysty. Bul týraly Úkimettiń baspasóz qyzmeti habarlady.</strong></p>

Qazaqstan delegatsııasyn Premer-Mınıstrdiń birinshi orynbasary Roman Sklıar basqardy. Onyń quramyna ortalyq organdardyń, óńirlerdiń, bıznes pen ulttyq kompanııalardyń ókilderi kirdi. 

Foto: primeminister.kz

Kórmede iri otandyq metallýrgııa jáne mashına jasaý kompanııalary: Qazaqmys korporatsııasy, Qaraǵandy quıý-mashına jasaý zaýyty (KLMZ), Railways Systems KZ, Alageum Electric jáne VodEkoFıltr tanystyryldy.

Sondaı-aq is-shara aıasynda ózara tıimdi yntymaqtastyq boıynsha birqatar qujattarǵa qol qoıyldy. Máselen, Qaraǵandy oblysy ákimdigi men bıznes ókilderiniń qatysýymen birlesken jobalar qurý, onyń ishinde avtonomdy elektrmen qorektendirý batareıalaryn jobalaý jáne óndirý, kásiporyndardy tehnıkalyq qaıta jaraqtandyrý boıynsha kelisimder jasaldy. 

Foto: primeminister.kz

Sonymen qatar Qazaqstannyń Ónerkásip jáne qurylys mınıstri RF Ónerkásip jáne saýda, BAÁ Syrtqy saýda mınıstrlerimen, RF Sverdlov oblysynyń gýbernatorymen, Bashqurtstannyń Premer-Mınıstrimen jáne iri ónerkásiptik kásiporyndardyń («ÝralKran» JShQ, «Eýrazııalyq mehanıkalyq zaýyt» JShS, «SGMK-Metall» JShQ) birinshi basshylarymen kezdesýler ótkizdi.

Qazaqstan delegatsııasy EAEO jáne TMD ónerkásiptik saıasat jónindegi keńesterdiń kezekti otyrystaryna da qatysty, onyń aıasynda EAEO sheńberinde ónerkásipti damytýdyń 2030 jylǵa deıingi negizgi vektorlary qamtylǵan orta merzimdi strategııalyq qujat qaraldy.