Roman Sklıar Ulttyq ekonomıka vıtse-mınıstri bolyp taǵaıyndaldy

ASTANA. QazAqparat - QR Ulttyq ekonomıka mınıstri Qýandyq Bıshimbaev mınıstrlik ujymyna jańa taǵaıyndalǵan vıtse-mınıstr Roman Sklıardy tanystyrdy. Bul týraly QR Ulttyq ekonomıka mınıstrliginiń baspasóz qyzmeti habarlady.

Roman Sklıar Pavlodar montaj tehnıkýmyn, Pavlodar memlekettik ýnıversıtetin, Máskeý qazirgi zaman bıznes ınstıtýtyn, Qazaq quqyqtaný jáne halyqaralyq qatynastar ınstıtýtyn bitirgen.

Roman Sklıar ár jyldary Pavlodar qalasy memlekettik satyp alý basqarmasynyń bastyǵy, apparat basshysy, Pavlodar qalasy ákiminiń orynbasary, Astana qalasyndaǵy energetıka jáne kommýnaldyq sharýashylyq departamentiniń dırektory, Pavlodar oblysy ákimniń orynbasary, birinshi orynbasary, Qazaqstan Respýblıkasy kólik jáne kommýnıkatsııalar vıtse-mınıstri, «Qazaqstan Temir joly» UQ» AQ vıtse-prezıdenti qyzmetterin atqarǵan.

2016 jylǵy naýryz aıynan bastap Qazaqstan Respýblıkasy Parlamenti Májilisiniń depýtaty, Ekonomıkalyq reforma jáne óńirlik damý komıtetiniń tóraǵasy.