Roman Sklıar ulttyq ınvestıtsııa ortalyǵyn basqarady

<p>ASTANA. KAZINFORM &mdash; Premer-Mınıstrdiń birinshi orynbasary Roman Sklıar Investıtsııalyq qyzmet jónindegi ulttyq ortalyqty basqarady. Bul týraly Úkimet basshysynyń ınvestıtsııalyq qyzmet jónindegi ulttyq ortalyqtyń keıbir máseleleri týraly ókimine qosymsha berilgen erejede aıtylǵan.</p>

«IQUO qyzmetine jalpy basshylyqty Qazaqstan Respýblıkasy Premer-Mınıstriniń birinshi orynbasary iske asyrady», — dep jazylǵan ereje mátininde.

Osylaısha Roman Sklıarǵa jańa memlekettik qurylymnyń basshysy mynandaı mindetter júkteledi:

• IQUO jumysyn uıymdastyrady;
• IQUO jumysyna memlekettik organdar men kvazımemlekettik uıymdardyń ókilderin tartady;
• IQUO-ǵa jiberilgen jumyskerlerdiń mindetteri men fýnktsıonaldyq mindetterin aıqyndap, qajet bolǵan jaǵdaıda memlekettik organdar men kvazımemlekettik uıymdardyń basshylaryna jumyskerlerdi aýystyrý jóninde usynystar engizedi;
• memlekettik organdar men kvazımemlekettik uıymdar basshylarynyń atyna IQUO-ǵa jiberilgen jumyskerlerdi kótermeleý nemese jazalaý týraly usynystar engizedi;
• Premer-Mınıstrdiń birinshi orynbasaryn IQUO jumysynyń nátıjeleri týraly toqsanyna bir retten sıretpeı habardar etip turady;
• IQUO jumys toptaryn qalyptastyrady.