Roman Sklıar týrıstik oryndardy ájethanamen qamtýdan bastaýdy tapsyrdy

<p>ASTANA. KAZINFORM &ndash; Premer-Mınıstrdiń birinshi orynbasary Roman Sklıar óńir ákimdikteri men mınıstrlikke otandyq týrızmdi damytý baǵytynda birqatar tapsyrma berdi.</p>

«Óńir ákimdikterine týrıstik nysandardy damytý boıynsha jol kartalaryn, sondaı-aq jaýapty basshylar men iske asyrý merzimin belgileýdi tapsyramyn. Týrıstik obektilerdi sanıtarlyq-gıgıenalyq toraptardan bastap qalypqa keltirip, tıisti qarjylandyrýdy qamtamasyz etýdi júkteımin», - dedi Roman Sklıar elordada ótken Týrızm jáne sport mınıstrliginiń keńeıtilgen alqa otyrysynda.

Sondaı-aq Premer-Mınıstrdiń birinshi orynbasary ishki týrızmdi damytýda qyzmetter naryǵynyń eleýli áleýetine toqtalyp ótti.

Onyń aıtýynsha, óńirlerde týrızmdi ilgeriletý baǵytyndaǵy jumystyń qarqyny jetkiliksiz. Onyń sebebi jergilikti ákimdikterdiń qunt tanytpaýy jáne tıisti qarjylandyrýdyń bolmaýy.