Roman Sklıar Semeıdegi órttiń sebebi men zalal kólemin anyqtaýdy tapsyrdy

<p><strong>ASTANA. KAZINFORM - QR Premer-Mınıstriniń birinshi orynbasary Roman Sklıardyń tóraǵalyǵymen ótken keńeste Semeı qalasyndaǵy iri saýda ortalyǵynda (&laquo;Korporatsııa Aqshyń&raquo; JShS) bolǵan órttiń saldaryn joıý máseleleri qaraldy. Bul týraly <a href="https://primeminister.kz/news/semeydegi-sauda-ortalygynda-bolgan-ort-roman-sklyar-onyn-saldaryn-zhoyu-ushin-kazhetti-sharalardyn-barlygyn-kabyldaudy-tapsyrdy-27233" target="_blank" rel="noopener">primeminister.kz</a> jazdy.&nbsp;</strong></p>

Qabyldanǵan sharalar týraly Abaı oblysynyń ákimi, Tótenshe jaǵdaılar, Іshki ister, Eńbek jáne halyqty áleýmettik qorǵaý jáne Ulttyq ekonomıka mınıstrlikteriniń basshylary baıandama jasady. 

Keńes barysynda 6 aqpandaǵy saǵat 20:55-tegi jaǵdaı boıynsha órt aýyzdyqtalǵany aıtyldy, onyń alańy 6,9 myń sharshy metrdi quraǵan – ǵımarattyń 87,5%-y. Oqıǵa orny qorshalyp, kúndizgi jáne túngi patrýlder uıymdastyryldy.

Abaı oblysy TJD polıtsııa jáne memlekettik órtke qarsy qyzmet organdarynyń qyzmetkerleri tergeýdi bastady.

Roman Sklıar órt sebepterin jáne keltirilgen zalaldyń kólemin anyqtaýdy, sondaı-aq órttiń saldaryn joıý boıynsha qajetti sharalardyń barlyǵyn qabyldaýdy tapsyrdy.

Bul jaǵdaı – Úkimettiń turaqty baqylaýynda.