Roman Sklıar Petropavl mańyndaǵy turǵyndardy májbúrli túrde evakýatsııalaýdy tapsyrdy

<p>PETROPAVL. KAZINFORM - Zarechnyı kenti men saıajaıda turatyn 32 adam óz úılerinen kóshkileri kelmeıdi. Bul jaıynda túngi aralaý kezinde Petropavl qalasynyń ákimi Serik Muhamedıev Premer-Mınıstrdiń birinshi orynbasaryna aıtty.&nbsp;</p>

Onyń sózinshe turǵyndar bolýy múmkin apatpen «ózimiz-aq kúrese alamyz» degen. Úkimettiń baspasóz qyzmeti habarlaǵandaı, oqys jaǵdaıdyń aldyn alý úshin Roman Sklıar turǵyndardy májbúrli túrde evakýtsııalaý jóninde jedel tapsyrma berdi.

«Men ákimdikke, polıtsııa departamentine jáne TJD-ne turǵyndardy májbúrli túrde evakýtsııalaýdy bastaýǵa tapsyrma beremin. Adamdardyń qaýipsizdigin qamtamasyz etý mańyzdy. Eshkim zardap shekpeýi qajet. Oıda joqta sý kelip qalsa, jaǵdaı múldem basqasha bolady. Buǵan jol bermeýimiz qajet», - dedi ol.

Sondaı-aq vıtse-premer Oıqala yqsham aýdanyndaǵy aınalma jol ýchaskesindegi bógetterdi nyǵaıtý jumystaryn tekserdi jáne Kojevennyı kenti men Ýşev kóshesinde salynyp jatqan bógetterdiń jaǵdaıyn kórip qaıtty. 

Foto: primeminister.kz

Baqylaý kezinde Roman Sklıar sý kelý jónindegi jańa boljamnan keıin barlyq bógetterge geodezıst mamandardy shaqyrýdy tapsyrdy. Budan bólek, ákimdik, qutqarý qyzmetteri men polıtseılerge turǵyndardy, turmystyq tehnıka men janýarlardy evakýatsııalaý kezinde jan-jaqty kómek kórsetý kerek ekenin aıtty.