Roman Sklıar Petropavl qalasynda aýyz sý sapasyn baqylaýdy kúsheıtýdi tapsyrdy
QR Úkimeti baspasóz qyzmetiniń habarlaýynsha, Roman Sklıar sonymen qatar Teplıchnoe, Prıbrejnoe aýyldaryndaǵy, Ýşev kóshesi boıyndaǵy aryqtardy daıyndaý jumystaryn jáne Petropavl qalasyn aýyz sýmen qamtamasyz etip otyrǵan mańyzdy strategııalyq nysan – «Qyzyljar Sý» JShS-nyń ekinshi deńgeıdegi sorǵy stantsııasy bógetteriniń qorǵanys qabiletin tekserdi.
Premer-Mınıstrdiń birinshi orynbasarynyń tapsyrmasy boıynsha sorǵy stantsııasy bıiktigi 1,5 metr bolatyn 450 metrge jaıylǵan bógetpen qorǵalǵan.
«Qalaǵa beriletin aýyz sý sapasyn tekserý mańyzdy. Arnaıy zerthana eki saǵat saıyn sýdyń sapasyn tekserip, zerttep, esep berip otyrýy kerek. Sýdyń kelýimen onyń jaramdylyǵy tómendeýi múmkin. Qala tirshiligin qamtamasyz etý jumysyn úzdiksiz júrgizip otyrý qajet», — dep tapsyrdy Roman Sklıar.
Birinshi vıtse-premer sý tasqynyna qarsy jumystardyń kólemin baǵalap, jol ınfraqurylymy júktemesin azaıtý týraly esepti tyńdady. Onyń ishinde, úlken sýdyń kelýi týraly jańartylǵan boljamdy eskere otyryp, qatty sý basý saldaryn azaıtý protsesi qozǵaldy.