Roman Sklıar Pavlodar oblysynda «Aýyl – el besigi» jobalarynyń oryndalýyn tekserdi

PAVLODAR. QazAqparat – QR Premer-Mınıstriniń orynbasary Roman Sklıar «Aýyl – El besigi» memlekettik baǵdarlamasy aıasynda jol ınfraqurylymy júrgizilip, áleýmettik nysandar jóndelgen Pavlodar oblysynyń bes aýyldyq eldi mekeninde boldy. QazAqparat bul týraly primeminister.kz saıtyna silteme jasap habarlaıdy.

Bıyl «Aýyl – el besigi» memlekettik baǵdarlamasy aıasynda Ertis óńirinde jalpy halyq sany 25 myń adamnan asatyn 22 aýyldyq eldi mekende ınfraqurylymdy jańartý jumystary qolǵa alyndy. Josparlanǵan 70 jobanyń basym bóligi aıaqtaldy. Memlekettik baǵdarlamany iske asyrý barysynda keshendi tásil qoldanyldy, aýyl turǵyndaryna qajettiniń bári jóndeý jáne qalpyna keltirý jumystarymen qamtyldy.

R. Sklıardyń jumys sapary Ertis aýdanyndaǵy Qyzyljar aýylynan bastalyp, aýyl sharýashylyǵy ǵylymı-zertteý ınstıtýtynyń burynǵy ǵımaratyn qaıta jańǵyrtý nátıjesinde ashylǵan mádenıet úıinde boldy. Roman Sklıar sonymen qatar akt jáne sport zaldary men ashanasy jóndeýden ótken jergilikti mektepte boldy. Sonymen qatar Qyzyljarda «Aýyl – El besigi» jobasyn júzege asyrýdyń arqasynda jalpy uzyndyǵy 5 shaqyrymnan asatyn 9 aýylishilik jol keńeıtilip, asfalttaldy.

Vıtse-premer Aqtoǵaı aýdany Prırechenskoe aýylyndaǵy nysandardy aralaý barysynda orta mektepte júrgizilip jatqan kúrdeli jóndeý jumystarynyń sapasyn zerttedi. Memlekettik baǵdarlama esebinen ǵımarattyń shatyry, qasbeti, ashana, sport zaly jáne basqa da ishki úı-jaılar retke keltirildi. Sonymen qatar jergilikti turǵyndar jańartylǵan joldardy paıdalana alady – aýyldaǵy 5 kóshe jóndeldi.

Pavlodar aýdany Novochernoıarka aýylynda kúrdeli jóndeý jumystarynyń arqasynda úsh bı úıirmesiniń, vokaldyq top pen eriktiler klýbynyń tárbıelenýshileri jaıly jaǵdaıda bilim alatyn jańartylǵan mádenıet úıiniń tusaýy kesildi. 500-den astam bala oqıtyn jergilikti mektepte de kúrdeli jóndeý jumystary júrgizildi. Sonymen qatar Novochernoıarkte uzyndyǵy 4 shaqyrymnan astam tórt kóshe asfalttaldy.

Pavlodar aýdany Zarıa aýylynda «Aýyl – el besigi» jobasynyń arqasynda tolyq kólemdegi fýtbol alańy paıda boldy. Onda eldi mekenniń barlyq turǵyndary sportpen aınalysa alady. Sondaı-aq munda mádenıet úıi men jergilikti mektep kúrdeli jóndeýden ótti.

Roman Sklıar Aqqýly aýdany ıAmyshevo aýylynda da boldy. Bıyl munda mádenıet úıi salynyp, 5 shaqyrymnan astam aýylishilik jol retke keltirildi.