Roman Sklıar óz otstavkasy týraly aıtty

NUR-SULTAN. QazAqparat – QR Premer-Mınıstriniń birinshi orynbasary Roman Sklıar Úkimet otyrysynan keıin BAQ ókilderine óz otstavkasy týraly pikir bildirdi, dep habarlaıdy QazAqparat tilshisi.

«Otstavkalar týraly áńgime jeke maǵan ǵana qatysty másele emes. Oılap qarasaq, áńgime elimizdiń bolashaǵy týraly bolyp otyr. Ne bolyp jatqanyn ózderińiz qarańyzdar. Keıbir qaýymdastyqtardyń basshylary óz problemalarymen emes, avtomobıl jáne aýyl sharýashylyǵy tehnıkasyn qurastyrýmen aınalysyp júrgen syńaı tanytyp júr. Erteń olar ózge saladan tabylýy múmkin», - dedi vıtse-premer.

Condaı-aq ol qoǵamdy ýtılızatsııalyq alym máselesinde popýlıstik urandarǵa ermeýge úndedi.

«Túptiń túbinde olar óz isimen aınalysýy kerek qoı. Ózderin jaqsy jaǵynan tanytyp, túrli sandarmen, sózdermen qoǵamnyń pikirine sheber manıpýlıatsııa jasaı alatyn saıasattanýshylar bar. Árıne, bul olardyń jumysy shyǵar. Biraq nege biz ondaıǵa erýimiz kerek? Eger biz keleshekke senimmen bet alǵan bolsaq jáne ónerkásibi damyǵan el bolǵymyz kelse, popýlıstik urandarǵa ermeýimiz kerek», - dedi Roman Sklıar.