Roman Sklıar nemis kompanııalary basshylarymen jer qoınaýyn paıdalaný máselesin talqylady

NUR-SULTAN. QazAqparat - Roman Sklıar iri nemis kompanııalarynyń basshylarymen onlaın-kezdesý ótkizdi. Іs-shara jer qoınaýyn paıdalaný jáne geologııa salasyndaǵy Qazaqstan-Germanııa yntymaqtastyǵyn tereńdetýge arnalǵan, dep habarlaıdy QazAqparat primeminister.kz-ke silteme jasap.

Onlaın-kezdesýge Germanııanyń 100-den astam jetekshi kompanııalarynyń basshylary men ókilderi qatysty, olardyń ishinde Volkswagen, Siemens, Linde, Schaeffler, Knauf, Lufthansa, SMS group, DMT jáne t. b. bar.

Premer-Mınıstrdiń orynbasary Roman Sklıar óz sózinde Germanııadan kelgen áriptesterdi básekege qabilettilikti arttyrý, ınvestorlarǵa naryqtyq jaǵdaı jasaý, salanyń kásibı jáne tehnologııalyq deńgeıin arttyrý maqsatynda Qazaqstan Úkimetiniń geologııa jáne jer qoınaýyn paıdalaný salasyndaǵy reformalary týraly habarlady.

R. Sklıar daǵdarystan keıingi damý jaǵdaıynda ekonomıkany ártaraptandyrý jáne jańa ındýstrııalyq óndiristerdi qurý máselelerine erekshe nazar aýdarylatynyn atap ótti.

Bul baǵyttaǵy belsendi jumys 2012 jylǵy 8 aqpanda QR Tuńǵysh Prezıdenti N. Á. Nazarbaevtyń GFR-ǵa sapary aıasynda qol qoıylǵan «Qazaqstan men Germanııa arasyndaǵy shıkizat, ónerkásip jáne tehnologııalyq salalardaǵy áriptestik týraly» úkimetaralyq kelisim sheńberinde júrgizilýde.