Roman Sklıar men RF energetıka mınıstri Sergeı Tsıvılev energetıka salasyndaǵy yntymaqtastyqty talqylady

<p>ASTANA. KAZINFORM &ndash; 2024 jylǵy Sankt-Peterbýrg halyqaralyq gaz forýmy aıasynda Qazaqstan Respýblıkasy Premer-Mınıstriniń birinshi orynbasary Roman Sklıar Reseı Federatsııasynyń energetıka mınıstri Sergeı Tsıvılevpen kelissózder júrgizdi. Bul týraly Primeminister.kz saıty jazdy.</p>

Kezdesýde jobalardy birlesip iske asyrý máseleleri, sondaı-aq munaı-gaz salasyndaǵy yntymaqtastyqtyń keleshegi talqylandy. Taraptar energetıka salasyndaǵy ekijaqty qatynastardy nyǵaıtýǵa nıetti.

Eske sala keteıik, buǵan deıin ortasha alǵanda atom elektr stansasynyń qurylysy 10 jyl ýaqyt alatynyn jazǵan bolatynbyz. 

«Osy ýaqyt aralyǵynda kadrlardy daıyndaý boıynsha arnaıy baǵdarlama ázirlenedi. AES obektisinde tolyǵymen qazaqstandyq mamandar qyzmet kórsetedi. Sonymen qatar halyqaralyq biliktiligi bar barlyq deńgeıdegi joǵary bilikti maman–ınjenerler pýly daıyndalady», — degen edi Roman Sklıar.