Roman Sklıar «Eır Astana» ushaǵynan shyqqan aqaýǵa pikir bildirdi

NUR-SULTAN. QazAqparat –QR Indýstrııa jáne ınfraqurylymdyq damý mınıstri Roman Sklıar «Eır Astana» ushaǵynan shyqqan aqaýǵa baılanysty pikir bildirdi, dep habarlaıdy QazAqparat tilshisi.

«Oqıǵany tergeý úshin komıssııa quryldy. Biz munyń barlyǵyn anyqtaıtyn bolamyz. Tergeý nátıjesin qosymsha habarlaımyz. Árbir oqıǵany jeke-jeke qarastyramyz. Tergeý júrip jatyr, eger osyndaı jaǵdaı júıeli túrde qaıtalana berse tıisti sharalar qabyldaımyz», - dedi mınıstr Úkimet otyrysynan keıin BAQ ókilderiniń saýalyna oraı.

Aıta keteıik, «Eır Astana» kompanııasynyń Nur-Sultan – Beıjiń baǵytynda jolǵa shyqqan Aibus A321neo ushaǵy áýejaıǵa qaıtyp oralǵan bolatyn. Ushaqta bolǵan 128 jolaýshy jergilikti ýaqyt boıynsha saǵat 4.00-de basqa reıspen saparlaryn jalǵastyrǵan.