Roman Sklıar: Energetıka mınıstrligi elimizdiń energetıkalyq balansyn ázirleýdi aıaqtaýy tıis

NUR-SULTAN. QazAqparat – Energetıka mınıstrligi elimizdiń 2035 jylǵa deıingi energetıkalyq balansyn ázirleýdi aıaqtaýy tıis. Bul týraly búgin QR Premer-Mınıstriniń orynbasary Roman Sklıar aıtty, dep habarlaıdy QazAqparat tilshisi.

«Memleket basshysynyń eldiń energetıkalyq qaýipsizdigin qamtamasyz etý úshin qajetti shart sanalatyn manevrlik qýattardy damytý jónindegi tapsyrmasyn oryndaý úshin manevrlik generatsııalardy salýǵa arnalǵan aýktsıondyq saýda júrgizý jónindegi barlyq tıisti is-sharalardy qabyldaý qajet»,- dedi Úkimet basshysynyń orynbasary QR Energetıka mınıstrliginiń keńeıtilgen alqa otyrysynda.

Sonymen qatar ol Memleket basshysynyń ulttyq elektr jelilerin kúsheıtý jónindegi tapsyrmasy aıasynda elimizdiń ońtústik óńirlerinde elektr energııasynyń apattyq ajyrap qalýlaryna jol bermeý úshin Energetıka mınıstrligine «KEGOC» AQ-pen birlesip, energııa júıesiniń ońtústik aımaqtyq qoldanystaǵy elektr jelilerin kúsheıtý men jańǵyrtý boıynsha ońtaıly sheshimder ázirleý qajettigine nazar aýdartty.

«Memleket basshysynyń eldiń energetıkalyq qaýipsizdigin arttyrý jónindegi tapsyrmasyn oryndaý maqsatynda mınıstrlik «KEGOC» AQ-pen birlesip, 2035 jylǵa deıingi Qazaqstan Respýblıkasynyń energetıkalyq balansyn ázirleýdi aıaqtaýy tıis», - dedi Roman Sklıar.