Roman Sklıar Ekibastuz ben Rıdderdegi jylý tarıfi máselesin túsindirdi

ASTANA. QazAqparat – QR Premer-Mınıstriniń birinshi orynbasary Roman Sklıar Energetıka mınıstrliginiń alqa májilisinen keıin Ekibastuz ben Rıdderdegi kommýnaldyq qyzmet baǵasy týraly pikir bildirdi, dep habarlaıdy QazAqparat tilshisi.

«Bizde úsh problemaly qala bar. Olar: Ekibastuz, Rıdder jáne Temirtaý. Bul qalalar aıryqsha baqylaýda. Men bul qalalardyǵy ahýal týraly únemi málimet alyp otyrmyn. Ekibastuz týraly aıtsaq, qaıta-qaıta jylý jetkilikti deńgeıde berilmeı jatyr. Sondyqtan qala ákimdigi, oblys ákimdigi bul máseleni qadaǵalap otyr. Tıisinshe operatıvti túrde qaıta esepteýler júrgizilip jatyr», - dedi Roman Sklıar.

Onyń aıtýynsha, Ekibastuzdaǵy jylý júıesi túgeldeı jańartylǵan úılerde másele joq. Al jylý magıstralinen alys jatqan úılerde byltyrǵydaı problema áli bar.

«Tarıfterdi kóterý máselesi óte kúrdeli. Úkimet pen ókiletti organǵa teń ortasyn tabý kerek. Kommýnaldyq qyzmet quny kúrt kóterilmeýi qajet. Jekelegen óńirlerde tipten zardap shekpeýi kerek. Halyq sapaly qyzmet alýy qajet. Biraq biz atalǵan qyzmetterdiń quny kúrt kóterilýine jol bermeımiz. Buǵan deıin de jol bergen joqpyz. Budan keıin de jol bermeımiz», - dedi Premer-Mınıstrdiń birinshi orynbasary.