Roman Sklıar: Bıyl «Keńqııaq-Atyraý» munaı qubyry reversiniń qurylysyn aıaqtaý qajet
«Memleket basshysynyń 2019 jylǵy 5 qyrkúıektegi munaı-gaz salasyn damytý máseleleri jónindegi hattamalyq tapsyrmalary aıasynda bıyl jyldyq ónimdiligi 6 mln tonnaǵa deıin bolatyn «Keńqııaq-Atyraý» munaı qubyry reversiniń qurylysyn aıaqtaý qajet. Prezıdenttiń Qazaqstan halqyna Joldaýy aıasynda suıytylǵan munaı gazyn tolyqtaı elektrondy saýda alańdary arqyly satýǵa kóshýdi júzege asyrý kerek. Bul atalǵan saladaǵy ashyqtyq pen básekelestikke serpin beredi», - dedi Úkimet basshysynyń orynbasary QR Energetıka mınıstrliginiń keńeıtilgen alqa otyrysynda.
Vıtse-Premer gaz salasyn damytýdyń keshendi josparyn bekitý jáne Qazaqstan Respýblıkasyn gazdandyrý bas syzbasyn ózektendirý qajettigine basa nazar aýdardy.
«Bul eldiń energııa resýrstaryn tıimdi paıdalanýǵa jáne gaz taratý jelileriniń qurylysy barysynda bıýdjet qarajatyn únemdi bólýge múmkindik beredi. Gaz salasyn damytýdyń keshendi jospary bekitilgennen keıin gaz tasymaldaý júıesin sapaly jańǵyrtýdy qamtamasyz etý qajet», - dedi Roman Sklıar.