Roman Sklıar Astanada salynyp jatqan nysandardy aralady

<p>ASTANA. KAZINFORM &ndash; <strong>Jumys sapary barysynda Premer-mınıstrdiń birinshi orynbasary Roman Sklıar, Týrızm jáne sport mınıstri Ermek Marjyqpaev, Astana ákimi Jeńis Qasymbek jáne máslıhat tóraǵasy Maslan Kanalımov qurylys jumysy júrgizilip jatqan birqatar sport nysanyn aralady.</strong></p>

Olar aralaǵan birinshi nysan qurylysy júrip jatqan Ulttyq sport ýnıversıteti boldy, ony 2025 jyly aıaqtaý josparlanǵan. JOO-ny iske qosý kadrlardy daıarlaýdan bastap, sporttaǵy úlken jetistikterge de yqpal etetin bolady. 

Foto: primeminister.kz

Sonymen qatar 5-shi Dúnıejúzilik kóshpendiler oıyndaryna daıyndyq aıasynda sport nysandaryna bardy. 

Foto: primeminister.kz

Sondaı-aq Premer-mınıstrdiń birinshi orynbasaryn sport nysandarynyń ınfraqurylymyn daıyndaý, kirme joldardy qamtamasyz etetin negizgi magıstraldardy jóndeý jáne is-sharalar ótkiziletin aýmaqtardy abattandyrý jumystary týraly habardar etti. 

Foto: primeminister.kz

Buǵan «Qazanat» ıppodromyn, oǵan kireberis joldy keńeıtý, trıbýnalardy kúrdeli jóndeý, at qoralar salý, kókpar alańdary jáne t.b. kiredi. Sondaı-aq «Astana-Arena», «Alaý» jáne «Barys Arena» muz saraılarynyń irgeles aýmaqtaryn keshendi abattandyrý jumysy tekserildi. 

Aıta keteıik, Dúnıejúzilik kóshpendiler oıyndary QR Ulttyq murajaıy, Úshkempirov atyndaǵy jekpe-jek saraıy, «Dýman» qonaq úıi jáne «Qazaqstan» jeńil atletıka sport kesheni aýmaǵynda ótedi.