Roman Sklıar Arqalyqty damytýǵa qansha qarajat bólinetinin aıtty
«Burynǵy Torǵaı oblysynyń quramyna kirgen Amangeldi jáne Jangeldi aýdandaryn áleýmettik-ekonomıkalyq turǵyda damytý maqsatymen Arqalyq qalasynyń keshendi josparynyń jobasy Qostanaı oblysynyń aýdandaryn damytý jónindegi is-sharalarmen tolyqtyryldy. Qostanaı oblysynyń Arqalyq qalasyn, Amangeldi jáne Jangeldi aýdandaryn áleýmettik-ekonomıkalyq damytýdyń keshendi josparynyń jalpy somasy 504,4 mlrd teńge bolmaq. Ol qarajatqa 137 is-shara iske asyrlady. Onyń ishinde respýblıkalyq bıýdjetten – 59,4 mlrd teńge, jergilikti bıýdjetten – 21,1 mlrd teńge bólindi, jeke ınvestıtsııalar – 423,9 mlrd teńge. Keshendi josparlardyń jobalary Respýblıkalyq bıýdjet komıssııasynyń qaraýyna shyǵarylyp, oń qorytyndy alyndy. Barlyq is-sharalar men shyǵystar kólemi, zańnamada belgilengen tártippen bıýdjetterdiń múmkindikterin eskere otyryp, bıýdjetterdi qalyptastyrý jáne naqtylaý kezinde naqtylanady», - deligen jaýapta.
Sondaı-aq, ol ózge monoqalalardy damytý jospary Úkimet qaraýyna qashan túsetinin aıtty.
«Búgingi tańda Altaı, Arqalyq, Jańatas, Qarataý jáne Serebrıansk monoqanalarynyń keshendi josparlarynyń jobalary Úkimetke engizilip, aldaǵy otyrysta qaralady. Al Stepnogorsk, Balqash, Jitiqara, Lısakovsk, jáne Rıdder monoqanalarynyń keshendi josparlarynyń jobalary maýsym aıynyń birinshi jartysynda Úkimetke engiziledi», - dep jazady Roman Sklıar.