Roman Sklıar AES-tiń bazalyq jobasyn bıyl aıaqtaýdy tapsyrdy

ASTANA. QazAqparat – Bıyl atom elektr stantsııasyn salý tehnologııasyna qatysty túpkilikti sheshim qabyldanyp, bazalyq jobalaýǵa kirisý kerek. Energetıka mınıstrligine atalǵan mindetti Premer-Mınıstrdiń birinshi orynbasary Roman Sklıar júktedi, dep habarlaıdy QazAqparat tilshisi.

«Jasyl kún tártibi» aıasynda Qazaqstan 2060 jylǵa deıin kómirtegi beıtaraptyǵyna qol jetkizý boıynsha mindettemelerdi moınyna aldy. Osy oraıda balamaly energetıkany belsendi damytý qajet. Energetıka mınıstrligi bıyl atom elektr stantsııasyn salý tehnologııalary týraly túpkilikti sheshim qabyldap, bazalyq jobalaýǵa kirisýi kerek», - dedi Roman Sklıar Energetıka Energetıka mınıstrliginiń keńeıtilgen alqa otyrysynda.

Óz kezeginde Energetıka mınıstri Bolat Aqsholaqov AES salatyn aýdandy tańdaý máselesi qoǵamdyq talqylaýǵa jýyrda shyǵarylatyny týraly aıtqan edi.

«2022 jyly Qytaı, Koreıa, Reseı, Frantsııa sııaqty elderdiń jetkizýshileriniń tekserilgen reaktorlyq tehnologııalardyń qysqa tizimi jasaldy. Bıyl reaktor tehnologııasyn tańdaý boıynsha jumystar júrgiziledi. AES-ti ornalastyrýdyń ońtaıly alańy retinde Almaty oblysynyń Jambyl aýdany usynyldy. 2023 jyly AES-ti salatyn aýdandy tańdaý máselesi qoǵamdyq talqylaýǵa shyǵarylady», - dedi Bolat Aqsholaqov vedomstvonyń alqa otyrysynda.